開槍的故事

開槍的故事

 

我係開槍事件嘅警察

我想喺呢度分享我嘅感受

 

首先我要多謝社會大眾、工會主席、一哥、特首、甚至國家俾我哋無限度永不割蓆嘅支持,而我哋有嘅係合法殺人都唔割嘅支持!

 

呢兩三個月我覺得好振奮,因為返工和收工我和夥計都可以打曱甴, 返工可以任我選擇我鍾意嘅武器去增壓、去打示威者,又有OT,有錢收去打曱甴爽到爆!休班仲俾埋警棍我哋用添,又可以賺OT、又可以立功,何樂而不為呢!

 

前兩日我哋嘅主席和發言人Peter Sir已經講過邊個 object搶我哋啲支炮(第二生命)、或者令我哋感覺到生命受到威脅,(重點係我哋嘅感覺,感覺嘅嘢好主觀架)否則你哋「後果自負」!

 

一早收到消息國慶日,會有更恐怖更恐力嘅甴曱暴徒會搞事,今日我同夥計阿炳喺車度已經傾緊點樣打曱甴,傾到好興奮!一去到現場已經見到曱甴喺度破壞,所以我哋上前驅趕,點知阿炳殺得太性起,落單左,啲曱甴圍住佢打,我見到咁嘅情況,機會嚟啦飛雲。

 

呢個情況係電光火石!係電光火石!係電光火石!仲要生命受到威脅!生命受到威脅!生命受到威脅!重要嘅嘢講三次!

 

我手上有布袋彈槍的,但我即刻拎起我從來冇用機會嘅左輪,當然唔係向上嗚槍啦,而係舉起支炮衝過去救阿炳,跟住我見到有隻曱甴竟然想用棍打我,唔係掛!你唔係講笑呀嘛?我揸住支炮,你仲想用支棍仔打我?所以電光火石之間,我感到生命嚴重受到威脅,覺得隻曱甴會用支棍仔打死我,我即刻開槍!

 

跟住啲曱甴即刻散晒,見到嗰隻中槍嘅曱甴喺地下殿下殿下,我班夥計冇人理佢,由有得佢殿多陣先,一陣間先再處理佢。

 

之後返到警署,每個夥計都同我講支持我!核爆都唔割嗰隻!全世界一定攬我!跟住夜晚,詳細調查都未做,一哥就出嚟攬我啦!話我開槍係合理合法!我感覺真係好良好!甚至我喺度諗,電光火石生命受到威脅嘅一刻,射頭又如何呢?

 

故事純屬虛構

如有雷同實屬巧合