太子站底層月台曾經有人施行邪術

太子站底層月台曾經有人施行邪術

 

按:本文乃編輯與一名輔祭就太子站邪術事件對話之筆錄,經其同意,現節錄刊出。該名天主教輔祭有感應靈界之神恩。基於保障當事人私隱及安全,以下輔祭僅稱之為「C」。

 

編輯:831到底太子站有無死到人?

 

C:有無死人我唔肯定,我無見異兆(異象)或默示(啟示)嘅神恩。但我好肯定,港鐵係搵咗D異教徒喺月台行邪術。

 

編輯:點解?

 

C:你知道,D異教徒有個想法,就係覺得人死咗之後,要做「法事」、「科儀」去「超渡冤魂」。但我哋基督信仰嘅角度認為依啲係交鬼嘅邪術,而且只會愈摘愈大鑊,招聚咗啲魔鬼入嚟。

 

編輯:我甚至唔相信人死後會停留喺人間。喺人死後嘅去向依個問題,我傾向低派,觀點接近路德神學,認為死咗就直落陰間,末世審判後一係上天堂一係落地獄 。

 

C:天主教係依方面有少少唔同。我哋係相信人死後煉靈有機會因為有短暫被困於人間,特別係如果佢哋有嘢放唔低。《Hauntings, Possessions, and Exorcisms》有講過。但係煉靈出沒處通常同時會有魔鬼,因為魔鬼會嘗試阻止煉靈得拯救,所以教會有安魂彌撒祈求上主引導煉靈渡過煉獄得以進入天國。

 

編輯:依個講法我唔認同。人死咗就算留喺人間應該唔會咁易被魔鬼trap住喎,應該有天使帶佢哋入陰間候審。

 

C:依個係另一個神學問題,但我唔想扯太遠。重點係,肯定太子站月台底層有道士行過邪術,嘗試用佢哋嘅方法去「鎮住D冤魂」。當然,無論你信唔信有靈魂被困於世上都好,好肯定嘅係,佢哋一行邪術,太子站就有魔鬼啦

 

 

編輯:你點肯定?

 

C:尋日我去太子站行咗轉。SocRec個鏡頭咪影到個扶手電梯嘅?你應該多叫唔同宗派嘅兄弟姊妹日日去附近祈禱⋯⋯

 

編輯:我罷搭港鐵喎。

 

C:一定要落去底層月台𠴱個位祈禱,唸天主經,即係你哋叫嘅主禱文。嗰個位⋯⋯由扶手電梯去到對面幅馬賽克畫,曾經有人施行過邪術,我一去到就好頭痛。特別係個扶手電梯隔離個機房,裡面機器射出嚟嘅綠光令我好不安。我坐係度想讀曬成篇日課經,但係頭痛令我無法流暢地讀曬D經文。我feel到嗰度有魔鬼好唔想人喺度祈禱同讀聖經,佢哋最憎就係人求告天主。

 

編輯:係咪你自己頭痛咋。

 

C:唔係。太子站底層月台已經變咗跨宗教靈界研究室。我尋晚喺月台攞住本聖經行行下,有個戴眼鏡嘅女仔就問我係咪度feel到嘢。佢唔係信教嘅,佢聲稱自己有陰陽眼。有個阿叔陪佢一齊喺月台行。佢同我講佢都覺得係依個位好頭痛。但我同佢分歧在於,佢認為D力量集中喺牆上幅馬賽克同壁畫,係朵紅花嚟,我認為就係機房。仲有啊⋯⋯講起幅畫,嗰隻紅色,同尋日屍體被發現嘅831失蹤者高秀蘭女士件衫嗰隻紅色係一模一樣。

 

編輯:喂你咪嚇我⋯⋯

 

C:總之我同個女仔嘅共識係D鬼嘅力量係嗰個位裡面。但我仲見到另一樣奇怪嘢。你坐黨鐵有無留意月台幕門上面有無污積?

 

編輯:邊會咁得閑啊。

 

C:我發現太子站底層月台往中環方向列車同埋往黃埔列車幕門上有好多白色手印污積,比起其他港鐵站多。有一兩個唔出奇,實有D百厭細路大力拍打幕門。但無理由好似太子站咁多,而且幕門係會定時清潔嘅。特別係扶手電梯同壁畫附近,手印特別多。

 

編輯:手印成因係?

 

C:一,純粹清潔阿姐懶,無拭乾淨。二,如果你信有死者靈魂被困太子站,咁就可能係死者求救信號。三,如果你信係道士行邪術後有魔鬼入左月台,咁依D就係教會傳統所講嘅「撒旦印記」。

 

編輯:我唔信有靈魂被困世間,所以要我揀我揀第三。

 

C:不過老實講,幕門附近我又feel唔到有咩魔鬼力量,所以可能係唔關事。就算關事,依D手印只係標記,上面本身無乜嘢。D魔鬼主要喺機房。咁對於每日使用太子站嘅市民係好大影響。

 

編輯:點解咁講?

 

C:魔鬼最鐘意係罪惡。本身太子831發生咗大罪惡,就好吸引魔鬼。如果真係死咗人,無論有無靈魂滯留,魔鬼都會好想扮係死者靈魂,引人同佢對話。再講,太子站有道士搞過屎棍,主動邀請魔鬼入去,咁依家當然有魔鬼。一般市民見唔到feel唔到,無提防,隨時無故被魔鬼騷擾,或引誘犯罪。

 

編輯:咁點搞好。

 

C:祈禱。驅魔要教區指定神父先可以做,一般信徒只能祈禱希望抵抗魔鬼力量。天主教徒唸玫瑰經。

 

編輯:我哋聖公會都可以讀《公禱書》嘅⋯⋯

 

C:用總禱文,你哋《公禱書》總禱文係出自天主教諸聖禱文,本身係洗禮同驅魔禮典都會用。

 

編輯:好。最後,你覺得係邊個咁仆街做依D邪術?

 

C:mm⋯⋯我唔肯定。但我離開太子站,行去旺角方向嗰陣,突然見到亞皆老街有間暹X法術。於是我就即刻頭痛。我唔肯定佢哋有無份行邪術,不過太子站邪術同依檔法術嘢嘅力量來源肯定都係魔鬼。

 

編輯:好,我整理下再放上九龍叢報。

 

後記:根據英格蘭聖公會1963年由愛思德教區主教Robert Mortimer,撰寫的驅魔禮報告,聖公會相信一個地方有四個情況之下會被魔鬼纏繞:

 

  1. ‘Hauntings, by the spirits of the long-departed or of the recently deceased. Also included in this category are “impersonal” hauntings of the type which might be described as “place memories,” in which an event or action which took place some time in the past is replayed repeatedly, a phenomenon referred to by parapsychologists as a “recurrent localized apparition.” The latter does not involve supernatural agents. However, family dynamics may serve to stir up such place memories, hence the advisability of the blessing of a new home.
  2. Places which have been contaminated by human sin, whether in the form of “sexual misbehavior” or other sinful conduct, such as greed or cruelty. This category also includes sites on which crimes, particularly those of a violent nature, have been committed.
  3. Sites of poltergeist-type activity, which may be of human origin or may be the result of interference by nonhuman forces
  4. Buildings and places which have been the site of pagan worship, spiritualist or satanic activity, desecration or magical rituals’

 

Linda Malia, ‘A Fresh Look at a Remarkable Document: Exorcism: The Report of a Commission Convened by the Bishop of Exeter’, Anglican Theological Review, 01/2001, Volume 83, Issue 1

 

基於編輯跟從路德神學,認為死者即入陰間,故編輯不認同第一點。然而,太子站於831曾經發生嚴重傷人事件,乃罪惡之地(第二點),加上曾經有道士行邪術(第四點),故太子站有可能因而招惹魔鬼。

附錄:在太子站可使用的禱文:

天主教:唸一串玫瑰經或晚課經,再加聖彌額爾禱文;或唸一次諸聖禱文

新教/聖公會:讀一次《公禱書》晚禱或總禱文

東正教:讀一次《時課經》抵暮課,或耶穌禱文